Стариот град во Ерусалим е одалечен на околу 1 километар од модерниот Ерусалим. До 1860 година овие простори на градот ја сочинувале внатрешноста на градот. Стариот град е под формата на неправилен круг, во него може да се влезе од 7 различни порти од градот, најпознати од кој се Јафа и Сион. Стариот град е место каде се наоѓаат некои од клучните религиозни знаменитости на трите религии во градот: Ерусалимски храм заедно со Ѕидот на плачот за евреите, Светиот Гроб за христијаните, и џамиите Кубат Ал Сахра и Ал Акса на муслиманите.
Во 1980 година, стариот град во Ерусалим е заштитен под УНЕСКО.
Денешниот Стар град во Ерусалим е 3-4 пати помал од древниот Ерусалим од периодот на Ирод Велики. Кон 66 година, кон почетокот на востанието против Рим, градот го достигнал својот најголем расцвет. Неговото население било околу 100.000 луѓе и бил четвртиот град по големина во светот по Александрија, Антиохија и Рим. Ерусалим бил заобиколен од големи ѕидови. Неговите кули достигнувале и до 40 метри. Центарот и главен објект бил Ридот на храмовите. Но, територијата на денешниот современ Стар град се оцртува од ѕидините кои биле изградени во 1536 година од страна на турскиот султан Сулејман Величенствениот.
Населението на градот е околу 25.000 жители.
Традиционално за Стариот град е тоа што тој е поделен на муслиманска населба, христијанска, еврејска и ерменска населба.
Во евреиската населба се наоѓа Ерусалимски храм (Har ha-Bayit) обградена со Ѕидот на плачот. Во Израел уште ја нарекуваат Западниот ѕид бидејќи тоа е единствениот дел кој останал од Вториот храм. Според евреите, тоа е местото од каде започнало создавањето на светот.
Вистинскиот камен на храмот се наоѓа под џамијата Ал Акса, која е точно зад Ѕидот на плачот. Зад неа пак се наоѓа џамијата Кубат Ал Сахра (катедрала на каменот).
Во стариот град на Ерусалим се наоѓа црквата на Воскресувањето или позната како брдото Голгота, каде според Библијата бил распнат Исус Христос. Исто така во стариот град се наоѓа и Светиот Гроб, место кое се смета дека е гробот на Исус Христос.
Ерменската населба е најмала во стариот град која се наоѓа до христијанската населба.
Назив | Изградба |
---|---|
1º Новата порта | 1887 |
2° Дамаската порта | 1537 |
3° Портата на Ирод | непознато |
4° Лавската порта | 1538 |
5° Малата порта | 1538 |
6° Сионската порта | 1540 |
7° Портата Јафа | 1530-1540 |
Назив | Изградба |
---|---|
1º Златната порта | 6 век |
2° Осамената порта | Во времето на Ирод |
3° Двојната порта | Во времето на Ирод |
4° Тројната порта | Во времето на Ирод |