Monumento Nazionale a Vittorio Emanuele II (Националниот споменик на Виктор Емануел 2-ри) или Altare della Patria (Олтар на Татковината) или "Il Vittoriano" е споменик во чест на Виктор Емануел, првиот крал на обединета Италија. Се наоѓа во Рим, Италија, меѓу Пјаца Венеција и Ридот Капитол. Споменикот бил дизајниран од Ѓузепе Сакони во 1895. Бил официјално претставен во 1911 и завршен во 1925.
Споменикот е изграден од чист бел мермер и содржи прекрасни скали, високи Коринтски столбови, фонтани, голема скулптура на Виктор Емануел на коњ и две статуи на божицата Викторија како јава на квадриги. Структурата е широка 135 метри и 70 метри висока. Ако се сметаат и квадригата и крилатите победи, достигнува висина до 81 метар.
Споменикот го содржи гробот на Непознатиот Војник со вечен пламен, изграден под статуата на Италија по Првата Светска Војна. Основата на структурата исто така вклучува и музеј на Италијанското Обединување.
Споменикот бил контраверзен бидејќи со неговата изградба се уништил голем дел од ридот Капитол со средновековната област. Самиот споменик често се смета за преголем и прераскошен. Јасно се гледа од голем дел од Рим иако има коцкаста форма и нема купола или кула. Споменикот исто така е блескаво бел, упадлив меѓу претежно кафеникавите згради од околината. Заради пренатрупаната конструкција носи неколку навредливи прекари. Римјаните некогаш го нарекуваат „Zuppa Inglese“, „свадбената торта“, и „лажните заби“, додека американците кога го ослободиле Рим во 1944 го нарекле „машина за пишување“, прекар прифатен и од локалното население. И покрај сите критики, споменикот привлекува голем број на посетители. Се појавува
